الجمعة، 8 مارس 2013
السبت، 2 مارس 2013
my 20 must have makeup part 2
8-9 benefit hoola bronzer and makeup for ever face contour
بنفت هولا برونزر جدا رهيب وينفع لكل درجات البشرة يعني ينفع للكل
البرونزر والهايلات حق ميك اب فورايفر من سنتين وانا استخدمهم بس البرونز اكثر من الهايلات ملاحظين انو راح يخلص.
10- mary-lou manizer by theblam
هادا الشي جدا جدا جدا WOW لمعتو ختيررره احطها فوق الخد وممكن
تحت الحواجب .
11- MAC pinch me blush
هادا البلش لونو بنك خوخي مهما كانت درجة لونك يلبقلك يفيدني لما احطو
لي اي احد.
12+13+14
12- mac smolder eye kohl
كحل عال العال من ناحيه السواد والثبات بس اذا كانت عينك تدمع في شي
اسمو mac waterproof eyeliner pencil .
13- maybellin gel eyeliner in 01 black
عجبني مره سواده حلو وسعرو مقبول وما قيد نشف عليا ابدا ابدا عندي من ٨ شهور
14- nyx jumbo eye pencil in milk
دا الشي خطير جدا استخدمو اذا ابغا اعمل مكياج ملون يوضحلك اللون ١٠٠ /١٠٠
15- benefit they're real mascara
16- diorshow maximizer lash plumping serum
السيروم دا من ديور خطير يحمي ويعطي طول رهيب احطو وبعدين احط ماسكرا بنفت
الرهيبة وتعالو شوفو الرموش.
17- urban decay naked2 pallet
بصراحه حبيبت قلبي تفيدني وتفك ازمتي اخدها معايا فكل مكان ليش حبيت ٢ اكثر
من ١ عشان في لون لتحت الحاجب مات وفي بلمعه وفي اسود مات .
18- mac 217 brush
وهل يخفى القمر حبيبت قلبي عندي منها حبتين وابغا اجيب تاني ماراح اتكلم
عنها بالتفصيل لانو في موضوع اعلمكم فيه كذا استخدام لها .
19- mac pink nouveau lipstick
من ضمن مفضلاتي من ارواج ماك بس ليش اخترتو يكون ضمن العشرين عشنو لون
بنك بنك صافي ولازم يكون عندك روج بنك ودا اللون يجي اذا كانت بشرتك فاتحه
جدا او غامقه جدا لكل احد من جد.
20- sephora waterproof eye makeup remover
دا الشي يمسح من قلب حطيه على قطنه وخليها شوية على عينك وامسحي الحوسه
كلها راحت.
في النهاية اتمني انكم استفدتو ومو ضروري يلي يعجبني يعجبكم او يلي يناسبني يناسبكم و معلومه اذا عندي اغلب الاشياد من ماك بس عشانو حبيب قلبي وتقدري تشوفي البديل لو من شركة ثانية وياحلوين see you soon
my 20 must have makeup
السلام عليكم حبايبي تاني موضوع ليا في البلوق واتمنى من كل قلبي انكم تعدموني واني افيدكم
بتكلم اليوم عن اكثر ٢٠ منتج حبيتو وكل مايخلص ارجع اشتريه ما قدرت احصر الموضوع في عشرة اشياء وسامحوني
اذا بعض الاسعار تقريبيه العتب على النسيان
يلا نبدأ واحد اثنين ثلاثه
1- fix + by mac سعرو ب ٩٤ اتوقع
2- makeup for ever HD foundation ب ١٦٥ توقع
3- mac studio finish concealer ب ١٠١
4- mac studio finish skin corrector in pure orange ب ١٠١ اتوقع
5- mac longwear concealer اتوقع ب ١٠١
6- mac mineralize skin finish natural ب ١٤٠
7- BB cream " mac and garnier ماك ب ١٥٦ وقارنيه ب ٣٢
8- benefit hoola bronzer ب١٥٧
9- makeup for ever face contour مني فاكره ابدا
10- mary-lou manizer by theblam ب ٨٠
11- mac pinch me blush ١١٥
12- mac smolder eye kohl ب ١٠٠ وحاجه
13- maybelline gel eyeliner in 01black في الثلاثينات او الاربعينات
14- nyx jumbo eye pencil in milk اخدتو من امريكا ب ١$
15- benefit they're real mascara ١٢٠
16- dior show maximizer las plumping serum اتوقع ب٢٠٠
17- urban decay naked2 pallet اخدتو ب٥٠$
18- mac 217 brush اظن ١١١
19- mac pink nouveau lip stick ٩٨
20- sephora waterproof eye makeup remover الصغير ب ١٨ والكبير ب٣٧
1- mac fix + by mac
منتجي العجيب وحبيب قلبي رفيق دربي اذا كان بشرتك جافه بخيه بعد الميك اب يعطيكي ديو واذا بشرتك دهنيه قبل
الميك اب يهيئلك البشرة وانا ابخو على الفرشة وامررها على الشدو وشوفو اللون .
2- makeup for ever HD foundation :-
حبيبي قلبي ما غيرتو من ٣ سنين ولا افكر اغيرو ناسبني و ناسب مامتي انا جافة و ماما دهنيه بس نصيحه مو للاستخدام
اليومي ولما تتصوري رهيب في الصور درجتي #١٢٠
3+4+5
ماراح اتكلم باتفصيل عن كونسيلر ماك لاني حكتب فيه موضوع
3- mac studio finish concealer
حبيبي استخدمو لاخفاء العيوب في البشرة ولازم تاخدي نفس درجتك او اغمق بدرجة
4- mac studio finish skin corrector in pure orange
استخدمو شوية منو بالطبطبه قبل الكونسيلر عشان الهالات السودا
5- mac longwear concealer
حبيبي استخدمو برايمر وكنسيلر وتغطيتو واو
6- mac mineralize skin finish natural
دي البودره AMAZING لجميع انواع البشرة بس ما اعرف عن شديدة الجفاف استخدمها لتثبيت الفوندشن وساعات
ابخ الفرشة بالفكس بلس وامررها على البودره ومرات ابلبل الاسفنجه بموية واستخدم البودرة بدل الفوندشن
درجتي منها ميديم وعندي اللايت اثبت بها الكونسيلر.
7- BB cream " mac and garnier
لازم كل وحده يكون عندها بي بي كريم انت شوفي اي شركة تناسبك غارنيه بستخدمو من ٤ شهور عجبني اخد الميديم
عشان يعطيني برونز من غير مبالغه بس مشكلتو معطر ولما جاتني حساسيه ما قدرت استخدمو والعيب الثاني
مافي غير درجتين .
ماك مراح احكم عليه دحين بعد شهر اعطيكم الخلاصة بس مره مره ما عمل حساسية ودرجتو تو بيرفكت عليا درجتي
light plus والعيب يلي في بس ما نزلت غير درجات فاتحه.
نكمل في الصفحه الجيا يلا يلا
السبت، 1 ديسمبر 2012
تابع MAC LIPSTICK FINISHES
نتابع >>>>>
النوع الرابع الFROST:-
دا النوع تغطيتو متوسطه فيه لمعه زي لمعه الثلج تعرفو لما الثلج يغطي الدنيا ببياضو حتلاقو معاه لمعه جميلة سبحان الخالق عشان كدا سموه frost يعني الجليد .
النوع الخامس LUSTRE:-
هادا النوع تغطيتو خفيفه جدا زي القلوس بس طبعا مو بلمعه القلوس ولا تغطية القلوس الخفيفة ويعطيكي اللوك المائي بس انتبهو اذا كانت طبيعه شفايفك لونها غامق ما حتحصلي على اللون نفسو يلي في الروج.
حتلاقو انو البشرة باينه تحت لون الروج
النوع السادس والاخير GLAZE:-
لا تنخدعو بدا النوع حتشوفيه في الروج مره اللون حلو بس لما حتحطيه علىشفايفك ما حيعطيك غير تغطيه اكثر بشوية من القلوس
يمكن الصورة مو واضحه بس البشرة تكون جدا باينه
واكثر واحد في لمعه
فطبعا لما تكوني تبغي روج تغطيو عاليه ولونو قوي وترحي تختاري آخر نوعين اكيد حتقولي انو الارواج مو كويسه دحين اتمني تكون وصلتلكم المعلومة وفادتكم اشوف على خير ان شاء الله..see u soon
MAC LIPSTICK FINISHES خامات ارواج ماك
السلام عليكم...
اهلا وسهلا بكل يلي منور صفحتي.. حبيت أعمل blog عشان اشاركم خبرتي في الmakeup انا اخاده دورتين وبشتغل في محيط العايلة مؤقتا ..ليا ٥ سنين في دا المجال
وعرفت المنتجات يلي تستحق انك تقتنيها والمنتجات يلي ماتستحق والبدايل .
حبيت أتكلم في أول موضوع عن خامة الارواج يلي في ماك
سبب اختياري للموضوع عشان في بنات بيقولو الارواج مافيها تغطية ومن دا الكلام وهما يكونو اختارو الخامة الغير مناسبه بدأنا بسم الله ...
اول حاجة mac لها 6 "FINISHES "MATTE-SATIN-AMPLIFIED-FROST-LUSTRE-GLAZE
خلونا نتعرف عليهم واحد واحد..
اول شي الماتmatte:-
مميزاته:- تغطيتو عالية بمعني نفس اللون يلي في الروج نفسو لما تحطيه ومن اسمو مات من غير لمعه ولا قليتر ولا حاجة.
عيوبه:- ينشف الشفايف بمعني لازم تقشري وترطبي شفايفك قبل ما تحطيه واذا حطتيه من غير دي الخطوات حيطلع الشكل اكس..
زي منتو شايفين في الصورة الثانية البشرة مو واضحه تحت اللون.
النوع الثاني الساتن SATIN:-
مميزاته:-الsatin برضو يعطي تغطية عاليه مع احساس قلوسي .
شايفين هنا برضو البشرة مو واضحه تحت اللون بس مع لمعه خفيفه جدا.شخصيا افضل هادا النوع
it's my fav
النوع الثالث ال amplified :-
دا النوع جدا جدا كريمي
ومرطب برضو تغطيتو زي المات والساتن بس مع ترطيب جدا عالي لازم محدد معاه لانو يسيح في اطراف الشفايف.
برضو لون البشرة ما يبان تحت اللون شايفين
لمعه خفيفه يلي هيا لمعه الترطيب زي الكريم
نتابع في الموضوع الثاني..see u
الاشتراك في:
الرسائل (Atom)